Köhlkraftwarke

De Köhlkraftwarke sünd mit de gröttsten Klimakiller op unsen Eer. Alleen dat wat se in Stade-Bützfleth oprichten wollt, warrt per Johr 4,5 Mio to. CO2 in de Luft blasen. Dat is soveel, as 2,2 Mio Autos daun dat utsteuten. Fienstoff un Swaarmetalle kümmt noch henntau. So üm de 400 t in Johr.

In Düütschland sünd aver üm de dörtig Stieg geplant. Alleen anner Ünnerelv, twüschen Hamborg un Brunsbüttel, schüllen söben Stieg opbaut warrn.

De Energiekunzern seggen, dat wi den Stroom hoochnödig bruken, wiel sünst bi us de Lucht utgeiht. Dat is aver´n groode Löög! Jedes Johr warrt `n grooden Barg Strom in anner Länner utföhrt. 2008 warrt een Rikordjohr bi de Stroomexport.

De Energiekunzern seggen, dat de Köhlkraftwarke hoochmodern sünd. Is dat hoochmodern, dat de Köhlkraftwarke 54 % de gewunnene Energie daun in de Luft blasen? Dat is nie nich modern. Dat is ´n grooden Schiet!

Worüm schullen mit eens sovööl Köhlkraftwarke opbaut warrn? Wat stickt dorachter?

Wat dor wohrhaftig achter steken deit

Emissionshannel:

De Lüüd, de de neen Köhlkraftwarke bedrievt (de twüschen 2010 un 2012 ans Nett gohn) kregen Zertifikate för umsünst in Weert vun 4,2 Milliarden Euro. Wenn se aver de glieke Stroommeng mit moderne Gas-GuD-Kraft- warke produzieren, denn kregen se bloots Zertifikate in Weert vun 2,1 Milliarden Euro. Dat het, dat de Stroomkunzern wenn se op klimaschädliche Köhlkraftwarke statts op moderne Gaskraftwarke setten, tosatzliche 2,12 Milliarden Euro mihr in Geldbüdel hebben. Is dat nich plitsch? Un unsen Bundesregerung hett ehr Fingers mit in Speel. Sünd de denn Brägenklöterig worrn?

De Ustieg vun de Ustieg:

De Atomlobby molt een Stroomlock an ne Wand för de Fell dat Dütschland ut de Atomkraft utstiegt un op de neen Köhlkraftwarke verzichtet ward. Abers een Studie des Ümweltbundssamts (UBA) wiest: Wenn wi de Stroomverbruk bit 2020 üm 11 % setten, und de Energie, de vun alleen jümmers nawasst op knapp 30 % de Stroommaken utboon un 25 % vun de Strooms in modernen Kraftwarken mit Kraft-Warms-Kopplung produzieren, is de Versorgung seker.

De Energiekunzern un de Atomlobby schürt de Bammel vör de Köhlkraftwarke bi de Lüüd üm de Ustieg vun de Ustieg ut de Atomstroom to kregen. Na dat is doch vigeliensch, or wat?